أصدقاء العمر
صديقي الزائر انت غير مسجل .. يسرنا تسجيلك والانضمام الينا

مصتلحات شاميه ؟؟

اذهب الى الأسفل

مصتلحات شاميه ؟؟

مُساهمة من طرف مدرسه العشق في الأحد يناير 02, 2011 5:36 pm

كل هذه الكلمات أستخدمها في وقتها
هههههههههه شو ساوي فأنا شامي


شاضومة
تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

شرنه
(إنظر الشرح في تفسير مصطلح شاضومه )

ملحو على ديلو
يعني لا يقيم وزناً للعشرة والخبز والملح

يلي ببالي بالك
كناية عن أمر يتعذر ذكره...!

معصمص
نحيل بارز العظام

يا إيدكم!
تعبير عن الهرب بسرعة من شيء

زمق
أي هرب ببراعة وحذق، وزمط شرحو

سرّي مرّي
أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)

حط بالخرج
أي لا تعبأ بما يقال

على قفا مين يشيل
كناية عن كثرة الشيء وشيوعه

مأنّف
يعني لا يعجبه العجب ولا الصيام برجب

فش نيعو
يعني بدي انتقم منه شر انتقام وهي بالحلبي: يفشر حنكو

أزّت نفسو
أي نفر من الشيء نفوراً كأنه رأى صرصوراً

جفص
صفة للجلف غليظ الروح

حنتر
أي 'تيّس' و'بوزم' في الوقت نفسه

طلع من عيونو عامص
يعني دفع ثمناً غالياً وندم على ما نال

كل طلقة براحة
أي يقوم بالشيء رويداً رويداً بين الفينة والأخرى

يلي بدو يموت يوصّيك بولادو
ذم بصيغة المدح يعني أن المذكور غير أهل لحمل المسؤولية

على كراريت حلقو
يعني مصاب بغثيان شديد وإقياء لا يستطيع كبحه لا بحلال ولا بحرام

لا تكرّك عليه
يعني لا تلح عليه إصراراً

قلبه عميقول حق بق (كما أن القاف تقرأ ء)
يعني أنه يريد أمراً بشدّة لكنه يضمره إضماراً ولا يظهره إظهاراً

• لحم السير عالقبقاب وصاروا المبغضين صحاب
مبينه وما بدها شرح

• يلي بيجي منمدلّه فرشة ويلي ما بيجي منرتاح من وشه
مثل نسائي بحت يفيد عدم الترحيب بأشخاص معينين ما عم يجوا أصلاً

• شو هالتجرة
يعني الأفندي ما عجبته هالحكاية كلها وحاسس إنو تعبو راح أو أدراج الرياح

وحياة خالقك ماني مفارقك
تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك

العين الطرّاءة
عبارة عن التمسخر على المتكلم عنه وأن لا شيء فيه بينحسد عليه

بيقطش وبيلحش
يعني المهذار كثير الهفوات ومن يهرف بما لا يعرف ولسانه يسبق عقله

ولي على كسرتو
تعبير يفيد التحسّر على شخص ما مع لومه على ما فعل (في تناقض، مهيك؟)

كِ ــــــنْ
بكسر الكاف وتسكين النون يعني اهدأ أحسنلك

كروج
يعني درمل، وبتعبير أفصح افرنقع من هنا، وادحال مثلها

فــز
كمان بكسر الفاء يعني قوم (أوقف وانت بتكلمني)

جماش
أي همجٌ رعاع مستجحشون

مصطهج
يعني مسلطن، مكيّف، مبسوط أو كما قال سيبويه: منتشي

أفّّعت معو
يعني حمل القشة التي قصمت ظهر البعير وبلغ السيل الذبى

مو نفعان لا للخل ولا للخردل
يعني بلا فائدة تذكر، وأحياناً بقولو من نافع لألله بنافعة

يتمألس
يعني يفتعل السخرية على الآخرين (يتمسخر)

لاطيلو
يعني كمن له منتظراً ومنها المتل القائل: 'قلّو لاطيلك قلّو صاحيلك' يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

ادفشو وشوف ما أجحشو
يعني بالإنكليزي: Fools rush in where angels fear to tread

ما فيه الوتكة
يعني صاغ سليم خالي من العيوب وأحياناً يعني فاضي

ما معو نكله
مفلّس وحالو عدم

أول باشتان.....ثاني باشتان
طريقة في تعداد الأمور والأوامر والأسباب والمسببات (أولاً ، ثانياً)

بظّت عيونو
يعني جحظت العينان حتى كادت المقلتان تخرجان من محجريهما (على طريقة الجاحظ) لما شاف شي عجبو

سك
حقيبة نسائية تقليدية تصنع من قماش (مستعمل) للتسوق وخصوصاً من سوق الجمعة

نازل عالمدينة (أو رايح عالشام)
يعني رايح عالسوق التحتاني، i.e. Going downtown

خسكار
كمية من العمل المقرر ليوم واحد أو بضاعة معدّة للبيع ضمن اليوم

من دهنو سئّيلو
تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

ما صرلو بالأصر إلا مبارح العصر
يعني أنه جديد على أمر ما وغرّ فيه وأحياناً تكون إشارة للنفاريش أي باللاتينية nouveau riche

ولاد آدو
يعني المشكلجية والعونطجية وولادين الحرام

سبرتاكو
القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)

قراضة
يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)

متمسح
يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)

كل ما حدو بيت السلطان خيلهن بتمد الخنفسة رجلها
مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين

اندفس
أي: نام أحسنلك، انقبر

تكورت
متل تدولق ، فعل يفيد تناول الطعام، وتزهرم مثله أيضاً

من بيت شقاع لبيت رقاع (وهي تقرأ كالعادة: من بيت شآع لبيت رآع)
تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة

عم يحاسب القاضي
أي يقوم بقضاء حاجته في بيت الخلاء

آرعو ونادبو وشــ*شــ*ي وأبو مخطة
أي سوقة القوم والرعاع

انطمز
أي انزعج وبوزم وقلب خلقتو وما عاد يتحاكا

مطهمز
أي مطأطأ أو مطأطئ الرأس

طمبرو (جديد جداً )
أي خورفو وهي بالمعنى الحرفي ركبلو طمبر وفهمكم كفاية

شامم ريحه كرهه
تطلق على المتكبر يلي رافع منخاره وقالب وجهه

آكل كم بحالو
انظر تفسير شامم ريحه كرهه

خود منّي
إنهاء للنقاش ودعوة الطرف الآخر للثقة بما يقول المتكلم دون نقاش.

دواليب الجنة
مصطلح جديد للفلافل ومحاولة لرفع شأن هذه الأكلة الشعبية

عليّ ما عليّ
قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض عنها بهذه العبارة.

سم الكرّاتي
تقال عندما يكثر الطرف الآخر من الأكل.

فجعان
أي الحالوش أو الشره

مكـــــــــولك
أي اللألوء الذي يحب تمسيح الجوخ.

كعي فيه
يعني ألح وأصر كثير عليه ولكن الطرف الآخر يرف



نشالله يكونو عجبوكم وتكون البسمه على خدودكم Cool
avatar
مدرسه العشق
!¤¦ صديق نشيط ¦¤!
!¤¦ صديق نشيط ¦¤!

المهنة :
الهواية :

عدد المساهمات : 101
عدد الـــــــــنقاط : 135
تاريخ التســـجيل : 05/12/2010
رسائلي sms و mms : اكتب رسائلك هنا

الرجوع الى أعلى الصفحة اذهب الى الأسفل

رد: مصتلحات شاميه ؟؟

مُساهمة من طرف زهرة اللوتس في الأحد يناير 09, 2011 10:56 am

هههههههههههههه


بجد حلوين كتير ..بس يارب ما تكون بتستعمل هيك مصطلحات مدرسه العشق


يسلمو ايديك لانك خطيت ضحكه حلوة على وجوهنا ...


تقبل مروري
avatar
زهرة اللوتس
!¤¦ صديق ممتاز ¦¤!
!¤¦ صديق ممتاز ¦¤!

المهنة :
الهواية :

عدد المساهمات : 330
عدد الـــــــــنقاط : 383
تاريخ التســـجيل : 20/12/2008
رسائلي sms و mms : قتالنا على الارض..افقدنا السماء

الرجوع الى أعلى الصفحة اذهب الى الأسفل

رد: مصتلحات شاميه ؟؟

مُساهمة من طرف مدرسه العشق في الثلاثاء يناير 18, 2011 8:37 am

في بعضها بستعملها بس مو كلها واول تنتين اكتر شي ههههههههههههههههههههههه

شكرن لمرورك اخت زهرة Cool
avatar
مدرسه العشق
!¤¦ صديق نشيط ¦¤!
!¤¦ صديق نشيط ¦¤!

المهنة :
الهواية :

عدد المساهمات : 101
عدد الـــــــــنقاط : 135
تاريخ التســـجيل : 05/12/2010
رسائلي sms و mms : اكتب رسائلك هنا

الرجوع الى أعلى الصفحة اذهب الى الأسفل

رد: مصتلحات شاميه ؟؟

مُساهمة من طرف احن البشر في الثلاثاء فبراير 08, 2011 9:53 pm

دخيلو لابن السوق يلي بيعرف يحكي امثال متنكرة
الله عليك على هيك كلمات بجنن
تقبل مروري ياغالي
avatar
احن البشر
!¤¦ صديق ممتاز ¦¤!
!¤¦ صديق ممتاز ¦¤!

المهنة :
الهواية :

عدد المساهمات : 326
عدد الـــــــــنقاط : 581
تاريخ التســـجيل : 10/09/2010
رسائلي sms و mms : حلمي الكبير
بيعالمي الصغير
ان اعود واقبل
جبين امي
لو بالاحلااام



الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى