تكرم علينا بفكرة بسيطة لاي مشروع او مصلحة ببالك

مساكم سعيد
رح اطرح مشروع بسيط ومابكلف كتيروهوة تربية النحل
طبعا الكل بيعرف انو سورية غنية بمواسمها المزهرة وخاصة بفصل الصيف
يعني ما رح تجيب اكل للنحل بس بدك شوية اهتمام بمشروعك
ويكون عندك معرفة كيف بدك تربي النحل......
تربية النحل:
1_ن تكون بعيدة عن المساحات التى يتم فيها تطبيق مبيدات الآفات
2_أن تكون قريبة من مصدر للماء العذب على فكرة فيك تصنع مصد مياه اصطناعي متلا وعاء كبير وتحط في مي
4- أن تكون قريبة من مصادر الرحيق وحبوب اللقاح المتنوعة

5- أن تكون مداخل الخلايا متجهة ناحية الجنوب أو الجنوب الشرقى لاستقبال أشعة الشمس مبكراً ولتجنب رياح الشتاء الباردة.

يسلمو عماد على مرورك
يسلمو جون عالفكرة الحلوة انا حطيتها ضمن الخطة تبعي كانت رايحة عن بالي وذكرتني فيها بارك اله فيك

شووووووووووووووووووو
محد عم يكتب مشاريع كل الناس بلا هدف
؟؟؟؟؟؟؟؟؟؟؟؟؟؟؟؟؟
يعني متلي ههههههههههههه

صح كلامك عدد كبير من الناس ما بفكر غير باليوم الي عايش فيه وهي مصيبة
اما المصيبة الاكبر انو في ناس عندهم افكار وخطط بس مخبينها مشان ما حدا ياخدها فلا بيستفيدو منها ولا بخلو حدا يستفيد ومعروف انو هاد شي حرام

يسلمو ايديك محمد عالموضوع بجد موضوع حلو ومفيد كتير


بس بتعرف شو انا حاسه اني مالازم شارك يمكن لاني بنت ههههههه

طبعا عم امزح لانه البنت والشب الاتنين مهم يكون الهم هدف بحياتهم


هلا كوني بنت لو بدي فكر بمشروع اكيد رح فكر بمشروع يناسب طبيعه كوني بنت ومعتمد عالناحيه الفنيه اكتر


متل انه ممكن اعمل مشروع فاخاريات .. يعني متل اني اعمل من مادة الفخار بعض القطع المميزة متل مزهريات او كاسات او حتى قطع تحف صغيرة وزينها بالوان وهيك شغلات وافتح محل لهيك شي


ام من الناحيه ماديه لو كنت رح فكر متل الشباب بينفع شوف شو يلي دراج اكتر بمنطقنا او مدينتي واعمله واكتر شي دارج هلاء طبعا صالات البلياردو والكفي نت


اما اذا جيت للمشروع يلي انا بحب اعمله من جواتي بس مردوده المادي غير مضمون طبعا او قليل كتير فهو اني افتح مكتبه تحتوي كل الكتب يلي ممكن تفيد الناس



مابعرف يمكن مشاريعي فاشله بس ما هاد يلي بفكر فيه حاليا


مشكور مرة تانيه محمد عالموضع بجد مفيد كتير


بتمنالك التوفيق الك ولكل الشباب العربي

تسلم ايديكي زهرة
فكرة صغيرة مكونة من كلمتين ممكن تغير حياة شخص .....
انا كنت اصنع جهاز والجهاز بيتطلب حركة ميكانيكة معينة وبحثت عالنت لقيت الكل عامل حركة معقدة وانا عملت كمان حركة معقدة مألفة من محركات وتحكم الكتروني بالمحركات ومؤقتات وحساسات مشان الحركة
وبعد سنة شفت فكرة عالنت لطريقة عمل الحركة سهله جدا وبتستغني عن كل المحركات والتحكم والموقتتات وبتأدي غرض افضل