مشروع طباعه على الملابس؟؟

مبارح كنت بلسوق وشفت محل طباعه على الملابس الرياضيه فسقلت صاحب المحل شو مكلف المحل ؟
1- بيحتاج آلات 3000 دينار كويتي بماي يعادل على العمله السوريه (495000).
2-ديكور المحل مكلف شي 1000 دينار كويتي بما يعادل على العمله السوريه (165000) وعنه بسوريا ما بكلف هيك اكيد .
هو مشروع حلو ونضيف وشغلك كلو بيعتمد علكمبيوتر بتصمم الرسمه يلي بدو ياها لزبون اما الاسم او الرقم اوالرسمه يلي بدو ياها ولآلات بتشتغل كلشي .
هو مو بس فيك تطبع على الملابس الرياضيه لا على كل الملابس بشكل عام.
وفيك تعمل عروض على الانديه السوريا عنه وانتا تصير تطبع اسماء الاعبين ولرقم تبعو .
وغير هيك في عنه بسوريا هلق الملاعب السداسيه
يعني عنه بلشام صار في اكتر من شي 15 ملعب سداسي
بسمون فرق احياء شعبيه وانتا بتعمل عروض لكل الفرق
وهم معروفين بيعملو دوريات وصيرو بدال ما يلبسو كنزه مكتوب عليها اسم لاعب
بصير يلبس كنزه مكتوب عليها اسمو ورقم لبدو ياه .
وبلتوفيق للكل ونشالله كون شرحتلكم الموضوع منيح وفهمتو.
(الله يوفقكم بحياتكم وريحكم بدنيتكم )

أووه نسيت شغله مهمه .
نحتاج لورق خاص يسمى ورق الطباعه على الملابس موجود في المكتبات الكبيره ,وبعد طباعة الصوره (راعي أن تكون الطباعه على الجانب الامع من ورقةالطباعه على الملابس ) .

فكرة حلوة وليد شو رايك نتشارك على المشروع

انت بتشتري الماكينة والعدة وبتشغل طبع
وانا بتشيلي حصتي على جنب